ياحبيبى
يوم ماسمعت صوتك كان
عام وميلاد جديد
شوفت فيهم عمر تانى
قلبى فيه اصبح سعيد
شوفت فيهم ابتسامتك
ضحكتك طفل وليد
شوفت فيهم البراءة
وجراءة حق عنيد
*********
فاكرة ساعتها
قولتيلى ضحكتك مثل الفخرانى
ايوة هيا ضحكتوا
عمرى ماكدبت ودانى
خلقتى ساعتها بقلبى
وعقلى احلى امانى
حسيت بعجز ليكى عن
شكرى وعن امتنانى
**********
فاكرة ساعتها فى
صوتنا كان فى بنا حياء
كان فى بنا مشاعر
عزها طول الفراق
كان بنا عشق مخفى فى
صوتنا نازل دعاء
يدعى ليكى ويدعى ليا
يا نور الضياء
*********
فاكر ساعتها كان بيدى
فى غصن بيموت
غصن نبتة ساكتة كبتة
يأست من الوجود
يدوب خلصت كلامك
ولاقيتها وبأعلى صوت
بتنادى وتقول شهدنى
على حب عرفه الخلود
*********
حطتها فى انبوبة ميه
وقالت لى ان ليكوا دليل
انا مهد حب صافى
ماعرفش المستحيل
فى ورقى قلب شاهد
حمرته تمنح اثير
قوم يلا كمل
شغلك وكمل التحاليل
ليست هناك تعليقات:
إرسال تعليق